شو اللي بيصير؟
شعر : نعيم الغول : الأردن
ما بعرف شو اللي بِِصير
إن كان اليوم ولّلا بكـــره
إلا ربك القديـــــــــــــــــر
رب الأقصى والصخــــرة
إيماني طـَيّرني فـــــــــوق
سَكنّي بالعلالـــــــــــــــي
رفعني بحبال الشــــــــوق
للي وحده بالعالــــــــــــي
يا ربي عبدك ضعيــــــف
مبتلى بعالم مجنـــــــــون
وانت اسمك اللطيــــــــف
رحمتك مرهم ودهـــــون
الشعب ببلادي مشبــــوح
أسير حلمه الافـــــــراجْ
ديك بخمّه مذبــــــــــــوح
والسكين بإيد الجـــــــــاجْ
قالوله يا ديـك بيـــض
بيضة تضمن سلامــك
من الميّه طلّع مخيض
بنحققـلـك أحلامـــــك
الرصاصة خليها بعيد
وحط ببالك هالصورة
مقاومتك ما بتفيــــــــد
وتذكر طورا بـــــورا
خلي عقلك ببطنــــــــك
وفك حزامك عَ الآخــر
وانس شيخك والبطرك
بنفتحـلك المعـــــــــابر
طول ما راسك مرفــــــوع
وعامل ابو شهــــــامـــــة
راح نبكـّيــــــك الدم دموع
وتصيــــــــر أبو ندامـــــة
رد الديك بفخر وصاح
خسيتم يا أنـــــــــــذالِ
من أرضي ما في مراح
لو شنقتوني بعقـــــالي
صوتي حيرافق الصباح
لو طعميتوني زباله
العالم أعور يا غـــــــزة
العالم أعوج يا ضفــــــة
شايفك بالعين العـــــورة
عدوك عايش بعـــــــــزة
وعربك حفرولك جــوره
يا قدس لا تسامحينــــــا
بعناك بالسكـــــــــــوتْ
لا تنادي اسامينـــــــــــا
عزيمتنا من بسكـــــوتْ
قسما إنّا خنـــــــــــازير
الانفلونـــزا أصلها منــّا
بنستاهل ضرب الجنازير
وان كان النبي منــــّـــــا
سنين سنين سنين سنين
واحنا بنقــــول فلسطين
لو بنستاهلها عن جــــد
كنا عدناها حطيــــــــن
اسمعوها كلمة منّي
السلام كلام في كلام
لما للعقل الاحتكـــام
السلاح وحده بيغنّي
نعيم الغول
عمان- الأردن
28 أيلول2009
