أبوذيات على الطريقة (البهادلية)

حسين البهادلي

 (( مستعده )) 

مـتـغـيـّر عليه اليـوم اشــو جــاي    وامدحـك والمدح شـو .. مستــعـده

وگــبل سيفك الدافع عـني هــواي    اشعجب عالرگبه هسه .. مستــعـده 

ابرغم كل هذا ابد ما أفشلك ويـاي    الك تـعـتـذر روحــــي .. مسـتـعـده 

وإذا گلبك صخر ما يكتـفي ابهـاي    رگـــبتــي ويـاك تتـعــاون علـــيــّه 

**   **   **

(( وجريته ))

صديقي البالضـلـع دگـيته بسمـار   العمر يامه أعله مــوده .. وجـريـتـه 

وج بگلـيبـي نار ولجـن مـو نــار   ويريت الگلب لو بـس .. وجـريـتـه

وسط بيـر المصايب شفته محتار   الــه مــديــــــت أديــّـه .. وجـريـتـه

طلع .. بس من طلع خلاني أنـدار   اخــذ أيــدي ودفـعـني أبنفس أديـــه

**   **   **

(( ثقلهه ))

اشتسمع ونّه صدّك وكت الغروب    هاي الونـّه بس روحـــي  .. ثقـلهه

لان بگلـيبي حسـره أتهـد الكلوب    أبثقل حـمل الجبل وأكــثـر .. ثقـلهه 

انه الدورت روحي أبكـل الدروب     رادت بس شخص واحــد .. ثقـلهه

شافـت شحـت الثقــّه فـرد نـــوب    وﮔــامـت ابـد مـتـثـق حـتــى بـيــّه